Holland House in het nieuws
- Nieuws
- Detail Nieuws
By 24ora.com | 24 april, 2025 | Nieuws
We staan in het nieuws | C’un enfoke empresarial: Colombia y Reino Hulandes a celebra Dia di Rey
Embahada di Hulanda na Bogota, Colombia a cuminsa cu e celebracion anticipa di Dia di Rey, cu e biaha aki ta dura dos dia: 23 y 24 di april. Y Holland House Colombia tabata co-organisado di e evento aki.
Nos director, Mark Benson Denz tambe tabata presente e atardi aki, caminda cu el a combersa cu Jan Willem van Bokhoven, Director Ehecutivo di Camara de Comercio Colombo Holandesa – Holland House Colombia. Van Bokhoven a cuminsa na bisa cu nan ta co-organisado di e celebracion di Dia di Rey na Bogota. El a splica cu, na Colombia, loke nan ta purbando di haci ta un evento cultural, tipo empresarial pa na Colombia mustra tur e relacionnan cu ta existi entre Colombia, Hulanda, Aruba y Corsou. P’e motibo ey tambe nan a tene un sorto di evento unda cu tabatin diferente invitado di Hulanda, Aruba y Corsou n’e Embahada di Hulanda na Bogota pa mustra kico ta tumando luga, con ta trahando hunto, kico ta pasando economicamente y tambe kico ta sosodiendo riba tereno cultural.
E bishitantenan cu nos a papia cu nan tabata hopi positivo, ya cu antes Dia di Rey tabata solamente un acto protocolar, e parti atardi. E recepcion tabata sumamente agradabel, hopi bon, hopi contacto, hopi interaccion. Pero di otro banda tambe hopi dificil pa di berdad papia cu e hendenan.
Y loke a haci tabata di organisa un evento atardi, cu a cuminsa trempan y caminda cu e hendenan por papia di berdad, conoce otro di berdad. Tabatin diferente sorto di cuminda manera bitterballen, koffertjes, e sorto di cumindanan aki. Pero tambe e tabata un ambiente mas relaha, mas informal, pa e hendenan por conoce otro di berdad.
A traves di e realidad virtual, nan por bay Aruba, e hendenan por bishita Corsou. Esey ta e idea di e recepcion atardi. Duna e hendenan tempo di berdad pa explora e pakico e relacion entre Colombia y Reino Hulandes ta asina fuerte. Pasobra ta asina e ta. “Nos ta traha hunto di diferente manera, solamente cu e hende na Colombia hopi biaha no sa esey. Y esaki ta loke nos kier mustra”, segun Van Bokhoven.
Dia 19 di mei proximo lo tin un mision comercial anual di Caribe pa Colombia. Ta trata di un mision comercial grandi cu empresanan di e seis islanana. Mayoria di nan ta procedente di Aruba y Corsou, pero tambe lo tin participantenan di Bonaire, Sint Maarten y Sint Eustatius.
Pues, varios compania di e islanan lo forma parti di e mision comercial, un grupo bastante grandi, cu ta bin Colombia, cu ta bin Bogota. Na Colombia nan lo reuni cu tur sorto di homologonan Colombiano. Cliente-, proveedor- y socionan cu cual nan lo forma algo. Pa Holland House Colombia, e mision anual entre e partnernan di Caribe y Colombia ta algo grandi. Un evento grandi cu encuentronan, tur sorto di reunionnan di mesa rondo y un gran recepcion pa establece contactonan. Tambe lo por wak e documentario Combina, di Lee Yongo, arkitecto cu a traha hopi riba varios di e islanan. Pero tambe e ta haya su inspiracion na Medellin. “Nos lo proyecta e documentario di Lee Yongo pa prome biaha na Colombia. Y nos lo haci esaki durante e mision comercial”, segun van Bokhoven.
Awo e directiva ta conta cu dos consehero cu ta di Aruba y van Bokhoven a indica di ta hopi contento cu nan. Durante e asamblea teni na maart ultimo, a scoge Jordan di Aruba Tourism Authority y tambe Milly di First Class Design, pa cual awo nan tin dos miembro di directiva cu ta di Aruba y nan ta hopi contento cu nan.
Esaki ta haci cu Aruba ta hopi bon representa den e directiva di nuebe. Pero tambe e ta refleha e relacion di Holland House cu Aruba. Actualmente nan tin 20 miembro cu ta di Aruba. Aña pasa a agrega 10, cu segun van Bokhoven ta un bon number y nan ta contento cu ne.
Na final van Bokhoven a bisa cu e lo ta na Aruba den e siman di 16 di juni, pa traha cu traha cu tur e partidonan di Aruba pa wak con pa estrecha y fortalece e relacoin cu Colombia mas ainda. Tin hopi cos tumando luga y esaki ta danki n’e dos miembronan di Aruba cu ta den e directiva di Holland House Colombia.
Contactgegevens
- Cl. 90 #19-41 Oficina 801 - Chapinero Bogotá
- +57 (601) 7449566
- info@hollandhouse-colombia.com
