(1)/logo.svg){kind=logo}
We staan in het nieuws | Reino Hulandes a conta cu representacion amplio den mision comercial na Colombia
Door 24ora.com | 28 juni, 2024 | Nieuws
(1)/detail/nota-bes-somos-noticia.png)
Entre 11 y 13 di juni, Colombia tawata tin e honor di ricibi un delegacion destaca di empresarionan for di e islanan: Boneiro, St. Eustatius y Saba durante un mision comercial cu lo tin obhetivo pa crea relacionnan comercial entre e empresarionan di e islanan y e empresarionan colombiano.
E mision aki, esun di mas grandi di Caribe Hulandes a conta cu 25 empresa, cu den su mayoria a bin busca proveedornan di productonan. Colombia ta destaca pa por ofrece productonan y servicionan di calidad halto na prijsnan competitivo, ademas tin un ubicacion geografico strategico. E ventahanan aki ta posiciona Colombia como un posibel aliado comercial, destacando entre e otro paisnan di region.
E mision tawata lidera pa e encargando special di islanan BES pa Union Europeo, Nacionnan Uni y pa e Desaroyo Economico cu Latino America: Edison Rijna, y desaroya pa Camara di Comercio “Colombo-Holandesa” – Holland House Colombia. A conta cu presencia di e director di Camara di Comercio di Boneiro, Phar Martha y shete representante di Gobierno di St. Eustatius.
(1)/detail/nota-mision-bes-1(1).png)
E empresarionan ta pertenece na un variedad di sector, manera: construccion, agricultura, sector textiel, salud y beyesa, tecnologia y cuminda procesa. Durante e tres dianan di mision, a tuma luga un ronda di negociacion y varios sesion individual cu empresarionan Colombiano.
Ademas a realisa reunionnan cu varios entidad di Gobierno Colombiano pa e intercambio di conocemento.
“Mi a bin busca contactonan y personanan cu por provee material y solucionnan, y e reunionnan tawata espectacular y hopi fructifero”. Asina Karen Obersi cu ta un empresario di Boneiro y representante di Gino Obersi Architecture.
Un di e oportunidadnan clave pa haci negoshi cu e islanan di Caribe Hulandes, ta su produccion interno abao, loke ta obliga e islanan di Reino Hulandes pa importa mayoria di e materialnan neccesario. Ademas e actividad economico principal na e islanan aki ta turismo, loke ta genera un demanda constante pa diverso productonan.
(1)/detail/nota-mision-bes-2(1).png)
“Ta hopi interesante pa explora e alternativanan nobo, pa exportacion di nos productonan pa zonanan cu hopi potencial manera Boneiro”. Asina Fabian Huertas a menciona durante e buelta di negociacion. Huertas ta un empresario Colombiano Director y Co-fundado di Panavayu.
Finalmente pa conclui e mision y cu e obhetivo pa facilita e “networking” entre e empresarionan presente durante e sesion di negociacion tanto riba nivel Colombiano y di e islanan BES, a organisa un “evento di cocktail”. E evento aki ta pa yuda e empresarionan pa conecta cu otro sectornan y fortalece e relacionnan di interes comercial.